कण न् कण
तो कणाकणाने जगतो आहे.
दोन वेण्या, शाळेचे
डब्बे
-अभ्यासाची धांदल,
स्प्रेडशिटस- टारगेटसची मारामारी,
सगळ्यांची एकत्र मोट वळतो आहे.
ती कणाकणाने मरते आहे.
मेडीकल रीपोर्टस,
औषधे,
सतार आणि कॅनव्हास,
स्वत:मध्येच रमते आहे.
ते दोघे दोन धृवांवर
जगासाठी.
नियती हसते मनाशीच कारण,
ते दोघे एकमेकांसाठी,
एकमेकांत
गुंतलेले... मिसळुन गेलेले...
भौतिक जग म्हणते,
तो एकटाच मागे राहिलाय.
तो म्हणतो,
तिचं कण न् कण अस्तित्व
माझ्यातच सामावलंय.
(मृणाल भिडे - १९/०१/२०१९)
